Sulmuesi francez Kylian Mbappe është vetëm 19 vjeç, por ka pas dy pjesëmarrje në Champions League, si dhe një medalje të artë në Botërorin e Rusisë, ku u shpall si një nga tre lojtarët më të mirë të këtij kompeticioni.
Për këtë arsye, si dhe të tjera që lidhen me profilin e tij jashtë fushe, prestigjozja amerikane TIME zgjodhi ta ketë në kopertinë, e më pas në brendësi një profil të tij, ndërtuar me prononcime nga vetë Mbappe.
Në rubrikën “Udhëheqësit e brezit të ri”, Mbappe foli për të veçantat e jetës së tij duke zbuluar shumë detaje.
“Unë jam i lumtur, sepse jetoj dhe punoj atë që unë e kam ëndërruar gjithmonë”, tha Mbappe.
Pjesa më interesante ishte shpjegimi i faktit se shumë nga të ardhurat prej milionash, ai i dhuron për fëmijë të sëmurë dhe me aftësi të kufizuara.
“Në këtë çmenduri moderne ju duhet të mbani një grimë e kthjelltësi. Ju duhet të respektoni të tjerët dhe të jeni modest”, tha Mbappe. /tesheshi.com/
