Partitë në pushtet, PDK, AAK, NISMA kanë braktisur seancën plenare të Kuvendit të Kosovës në shenjë revolte nga akuzat e EULEX-it ndaj ish-pjesëtarëve të UÇK-së.
Shefi i grupit parlamentar të PDK-së, Memli Krasniqi tha se ish-kyetari i gjyqtarëve të EULEX-it, Malcolm Simmons, ka deklaruar zyrtarisht dhe publikisht se gjykatës të EULEX-it kanë pasur qasje manipulative në rastet që nderlidhen me ish-ushtarët e UÇK-së.
“Për më tepër, në dëshmitë e tij ai ka përfshirë edhe gjykatësin kryesor të rastit ‘Drenica 2’, Dariusz Sielicki, për të cilin ka deklaruar se të akzuarit i ka fyer vazhdimisht duke i quajtur edhe ‘kafshë’. Kjo shtë më shumë se e turpshme dhe ofenduese për të gjithë qytetarët e Republikës së Kosovës. Për neve është e papranueshme dhe jashtëzakonisht joprofesionale nëse një qasje e tillë manipulative vërtetë ka qenë mënyra e trajtimit të rasteve në fjalë. Andaj, ne kërkojmë urgjentisht nga udhëheqësit e EULEX-it që t’i ofrojnë Kuvendit dhe institucioneve tona një përgjigje zyrtare dhe të detajuar në lidhje me këto pretendime shumë serioze”, tha Krasniqi.
Edhe kryetari i Kuvendit, Kadri Veseli ka lëshuar seancën me ç’rast ka thënë se më kërkesë të LDK-së, Kuvendi shkon në pauzë 5 minutëshe.
“Kuvendi shkon në pauzë 5 minutëshe, ndërsa unë po tërhiqem”, tha ai.
Opozita ka vazhduar seancën dhe drejtimin e saj e ka marrë nënkryetarja Aida Dërguti nga VV. /tesheshi.com/
