Ndërtimi i aleancave pas Brexit, por edhe përcjellja e mesazheve pas takimit me presidentin amerikan, Donald Trump duket se janë në fokus të bisedimeve që kryeministrja britanike, Theresa May do të mbajë me liderët europianë të vendeve anëtare të NATO-s.
May mbërriti në kryeqytetin e Maltës, Valletta, me mesazhin që Evropa duhet të rrisë shpenzimet në fushën e mbrojtjes. Ky mesazh që vjen pas takimit dhe bisedimeve për NATO-n me Presidentin amerikan, Donald Trump duket të jetë radhitje me amerikanët, dhe distancim nga aleatët europianë me të cilët Britaninë tashmë e ndan edhe vota Brexit.
Britania e Madhe është një nga pak anëtarët e kësaj aleance që përmbush premtimet që të shpenzojë minimumi 2 për qind të prodhimit të brendshëm për mbrojtjen.
May thotë se dëshiron marrëdhënie të reja, pozitive dhe konstruktive me Bashkimin Evropian pasi vendi i saj të largohet zyrtarisht nga aty. Më pas, ajo do të takojë takime të personalizuata me kancelaren gjermane Angela Merkel dhe kryeministrin e Spanjës Mariano Rajoy për t’u garantuar atyre se Britania do të mbetet një partnere e besueshme.
Sipas analistëve, Britania ka dashur të shërbejë si një urë lidhëse mes SHBA dhe Bashkimit Evropain, që pas Brexit, por së fundmi ata thonë se qeveria po forcon ambicjen për të pasur ndikim shumë të fortë në të gjithë botën. /tesheshi.com/
