Mauro Ikardi dhe Interi janë thuajse në luftë të hapur.
“Gazeta delo Sport” ka lajmëruar se Ikardi dhe bashkëshortja e tij kanë nisur veprimet ligjore kundër klubit.
Argjentinasi kërkon të lejohet të marrë pjesë në seancat stërvitore ose Interi duhet të paguajë 1.5 milionë euro për dëmin e bërë.
Ikardi ka munguar dhe në darkën e shtruar në Milano për ekipin, një shenjë se marrëdhënia po shkon drejt përkeqësimit.
Lojtari është treguar i vendosur që të qëndrojë te Interi, duke refuzuar çdo propozim për transferim.
Pasi iu hoq shiriti i kapitenit sezonin e shkuar, Ikardit iu bë e qartë nga klubi këtë verë se ai nuk ishte më në planet përgatitore për sezonin e ri.
Napoli dhe Monako janë dy skuadrat që kanë treguar më interes për sulmuesin argjentinas. /tesheshi.com/
