Lotar Mateus, ish-lojtari i përfaqësueses gjermane në vitet ’90, dhe një prej mesfushorëve më të mirë të kohës së tij, nuk i ka kursyer fjalët e mira për Anglinë pas fitores së mbrëmshme ndaj Gjermanisë.
Ai është i mendimit se kombëtarja angleze mund të bëhet ndër ekipet më të mira në botë brenda tre viteve nëse vazhdon të ruajë të njëjtën tendencë përparimi që ka tani.
“Më habiti plotësisht,” thotë Mateus për kombëtaren ishullore, “veçanërisht kur shihni ekipin, lojtarët e rinj, ama lojtarë që u pëlqen të fitojnë, që u pëlqen të japin më të mirën për vendin e tyre.”
Mateus mendon se gjermanët nuk duhet të ndjehen keq me humbjen e mbrëmshme, pasi futbolli i anglezëve ishte më i mirë.
“Ne duhet ta kuptojmë se futbolli anglez ishte më i mirë se futbolli gjerman, veçanërisht në pjesën e dytë, e nuk mund të jemi të zemëruar me këtë rezultat.”
Fitorja 2-3 e Anglisë të shtunën ndaj Gjermanisë në Berlin ka qenë disi surprizuese, e posaçërisht loja e miqve. Çka e ka shtyrë Mateusin të deklarojë tërë bindje: “Ky është një ekip i cili ka mundësinë e madhe që kur të luajë si sot (mbrëmë) të bëhet brenda tre viteve ndër më të mirët në botë.” /tesheshi.com/
