Vajzat me flokë të gjata e dinë mirë shqetësimin e rënies së flokëve, ku hera herës mendojnë se mos mbeten tullace.
E sidomos kur nëpër shtëpi si litar gjejnë kudo fije floku, apo sa herë lahen në dush. Por ky nuk është vetëm një problem për flokët e gjatë, por edhe për çdo lloj floku.
Për të parandaluar një problem të tillë, mjafton të përgatisni një maskë, e cila mund të bëhet lehtësisht në shtëpi dhe ta aplikoni në flokë.
Për këtë maskë ju duhen dy të verdha veze, dy lugë vaj ulliri dhe lëngu i një kokrre limoni. Në një enë përziejini mirë këta përbërës, deri sa të krijohet një masë kremoze.
Masën e përftuar aplikojeni në flokë dhe lëreni të veprojë për 30 minuta. Më tej lahuni normalisht. Këshillohet që një maskë të tillë ta përsërisni një herë në javë dhe do të shihni që flokët tuaj do jenë shumë më të shëndetshëm dhe të fortë, dhe ato fijet që binin kudo, do jenë thjeshtë një kujtim./tesheshi.com/
