Gjykata vendosi të ndryshojë masën për sanitare e hequr si infermiere, Tire Alldervishi, e cila ishte e përfshirë në një aferë mashtruese në spitalin “Shefqet Ndroqi”, duke përfituar nga situate e rëndë pandemike.
Nga arrest me burg, ajo do ta shlyejë dënimin në shtëpi.
Alldervishi u arrestua pas një denoncimi nga vajza e një pacienteje të infektuar me COVID-19, se kishte marrë një shumë prej 8 milion lekësh për t’u përkujdesur për të.
Ajo kallëzoi në polici Tire Alldervishi, që i kishte marrë çdo ditë rreth 5.000-6.000 lekë duke i premtuar se do të kujdesej për prindin e saj, por që në fakt e la edhe pa ngrënë, duke u shtirur si infermiere.
Ndërkohë, bashkëpunëtoret e Tires në këtë aferë ishin: Mira Bushi, 52 vjeç, lindur dhe banuese në Tiranë, Sheqerije Koci, 61 vjeç, lindur në Librazhd dhe banuese në Tiranë, Sidorela Çela, 28 vjeç, lindur në Pogradec dhe banuese në Elbasan dhe Rukije Hoxhaj, 57 vjeç, lindur dhe banuese në Tiranë, sanitare e spitalit universitar ”Shefqet Ndroqi”. /tesheshi.com/
