Të paktën 288 janë shuar dhe 850 të tjerë janë plagosur në një përplasje trenash në shtetin indian të Odisha-s, ku një zyrtar i atyshëm tha se ishte aksidenti hekurudhor më vdekjeprurës i Indisë në më shumë se dy dekada.
Sudhanshu Sarangi, shefi i departamentit të zjarrfikësve në Odisha, tha se rikuperimi i viktimave ishte ende në vazhdim dhe se kishte shumë lëndime më të rënda, raporton Reuters. Kryesekretari i Odisha-s, Pradeep Jena, njoftoi në Tëitter se më shumë se 200 ambulanca janë thirrur në vendin e aksidentit në distriktin Balasore të dhe 100 mjekë të tjerë janë mobilizuar, mbi 80 që janë tashmë atje.
At least 288 people killed and hundreds injured in multiple train collision in eastern India's state of Odisha pic.twitter.com/wrXZdk6c39
— TRT World Now (@TRTWorldNow) June 3, 2023
“Unë isha duke fjetur. Më zgjoi zhurma e trenit që dilte nga shinat. Papritur pashë 10-15 të vdekur. Arrita të dal nga vagoni dhe më pas pashë shumë trupa të copëtuar”, tha një i mbijetuar.
Pamjet video tregojnë shpëtimtarët duke u ngjitur në anë të një prej trenave të dëmtuar për të gjetur të mbijetuarit, ndërsa pasagjerët bërtisnin për ndihmë dhe qanin.
Two trains derailed in India in the eastern state of Odisha on Friday, killing dozens of people and injuring hundreds more, according to Indian news reports. https://t.co/pU4Zz2Lq5e pic.twitter.com/pfsElsiRBm
— The New York Times (@nytimes) June 2, 2023
Howrah Superfast Express, i cili shkonte nga Bangalore në Howrah në Bengalin Perëndimor doli nga shinat dhe u përplas me Coromandel Express që shkonte nga Kolkata në Chennai.
Sipas Indian Railways, rrjeti i saj transporton më shumë se 13 milionë njerëz çdo ditë. Aksidenti më vdekjeprurës hekurudhor i Indisë ndodhi në vitin 1981 kur një tren u rrëzua nga një urë në një lumë në shtetin e Bihar, duke vrarë rreth 800 njerëz. /tesheshi.com/
