Bilanci tragjik i ditëve të fundit në rrugët e vendit, ka nxjerrë në terren policinë rrugore në një aksion të përqendruar në autostradën Tiranë-Durrës dhe në akset kryesore të kryeqytetit.
Sipas njoftimit të policisë, gjatë 48 orëve të fundit janë arrestuar 6 drejtues mjetesh, 2 për drejtim mjeti në gjendje të dehur, si dhe 4 për drejtim mjeti pa patentë. Po ashtu, policia ka heque 68 leje drejtimi, që duhet të dalin sërish në komision.
33 patenta mësohet se janë hequr për shpejtësi tej normave të lejuara në qendra të banuara, 22 për drejtim të automjetit nën ndikimin e alkoolit apo në gjendje të dehur .
Sa i takon shpejtësisë, raportohet se janë penalizuar edhe tre shoferë taksish. Policia ka konstatuar se mjetet, në orët e vona të natës, qarkullojnë me shpejtësi dy herë më shumë se limiti i lejuar. /tesheshi.com/
