Marrëveshjet e reja të Open Balkan

Samiti i radhës i Open Balkan, mbajtur në Beograd, u finalizua me 4 marrëveshje.

Ato janë:

-Marrëveshja e sigurisë ushqimore.

-Memorandumi i mirëkuptimit në fushën e kinematografisë për Ballkanin Perëndimor.

-Marrëvedhja për bashkëpunimin në fushën ë bashkëpunimit të minierave dhe energjisë.

-Plani operativ në fushën e emergjencave civile.

Marrëveshjet u firmosën nga Shqipëria, Maqedonia e Veriut dhe Serbia. Kryeministri Edi Rama gjatë fjalës së tij u shpreh se Ballkani për Europën ka të njëjtën rëndësi si Europa për Ballkanin.

“Të afrojmë sa më shumë njerëzit me njëri tjetrin, të kuptojmë sa më mirë njëri tjetrin, të krijojmë mundësi për t’u futur në këpucët e njëri-tjetrit siç do thoshte ambasadori Chris Hill (ambasador i SHBA-së në Serbi) dhe gjërat që kemi për të zgjidhur t’i zgjidhim me durim, me mirëkuptim për të harruar se kemi kaq shumë gjëra për të cilat mund dhe duhet të bashkëpunojmë,” u shpreh Rama, ndërsa ritheksoi edhe njëherë fjalët e Vuçiç i cili tha se ky ka gjasa të jetë dimri më i vështirë dhe qëllimi është mbështetja e qytetarëve. /tesheshi.com/