Qyteti juglindor i Ukrainës, Mariupol, vijon nën rrethimin rus prej disa javësh dhe banorët po përballen me një breshëri të vazhdueshme sulmesh vdekjeprurëse të paprovokuara ruse.
Mes tyre ishin sulmet vdekjeprurëse në një maternitet si dhe bombardimi i teatrit, humbjet e të cilëve nuk dihen ende, ndërsa operacioni i shpëtimit të personave që ndodheshin të strehuar në bodrumin e godinës vazhdon.
Tjetër nga ajo që raportohet: banorët po merren kundër vullnetit të tyre nga rusët, të cilët po i çojnë në Rusi kundër dëshirës së tyre, njoftoi të shtunën Këshilli Bashkiak i Mariupolit.
Banorët e kapur të Mariupolit u dërguan me forcë në kampe ku forcat ruse kontrolluan telefonat dhe dokumentet e tyre, dhe më pas devijuan disa nga banorët në qytete të largëta të Rusisë, tha këshilli.
Kryetari i bashkisë së Mariupolit, Vadim Boichenko, i krahasoi veprimet e Rusisë me “ngjarjet e tmerrshme të Luftës së Dytë Botërore, kur nazistët kapën me forcë njerëzit”.
Ndërsa komandanti i ushtrisë ukrainase i tha CNN se njerëzit në Mariupol rrezikojnë jetën e tyre sa herë që dalin nga bunkerët e nëndheshëm dhe deklaroi se porti strategjik po përballet me luftimet më intensive kudo në vend. Majori Denis Prokopenko, nga regjimenti i Gardës Kombëtare të Azovit, tha se sulmet ajrore dhe tokësore në qytet tani janë të pamëshirshme.
Prokopenko tha se njerëzit në qytet hezitojnë të largohen nga strehimoret e tyre nëntokësore edhe për të marrë nevojat elementare, që do të thotë se ata u detyruan të pinin më pak ujë dhe të hanin më pak ushqim. Trupat lihen në rrugë sepse ose nuk ka kush t’i mbledhë, ose është thjesht shumë e rrezikshme të provosh.
Ka raporte kontradiktore për statusin e një prej objekteve kryesore industriale të Ukrainës – fabrikës së çelikut Azov në Mariupol. Të premten vonë, një këshilltar qeveritar raportoi se fabrika ishte në duart ruse pas betejave të vazhdueshme me trupat ukrainase. Por të shtunën, Batalioni Azov, i cili ka një prani të madhe në Mariupol, tha se uzina mbeti në duart e tyre.
Shumë pretendojnë se kombinimi i Srebrenicës dhe Alepos po ndodh në Mariupol. /tesheshi.com/
