“Teknologjia në futboll është e mirëpritur, edhe pse nëse do të ishte vënë në punë, kur unë luaja futboll, ai gol kundër Anglisë do të ishte anulluar”.
Këto janë tonet e pendimit që ka shprehur Diego Maradona, i cili edhe për shkak të atij goli me dorë, që ka hyrë në histori si “Dora e Zotit”, mbështet përfshirjen e sistemit VAR, pra të teknologjisë në sport.
“Atëherë thoja çfarë fati që arbitri nuk e vuri re, ndërsa sot e shoh ndryshe, pasi ai gol nuk ishte i rregullt”- vijon mea culpa-n argjentinasi.
Por “El pibe d’oro” risjell në kujtesë edhe një rast tjetër, kur një tjetër parregullsi, e ka favorizuar.
“Ka qenë edhe një rast tjetër në Botërorin e vitit 1990, kur largova një top me dorë nga porta jonë, në ndeshjen me Rusinë. Arbitri nuk e vuri re, ndoshta për shkak të rrëmujës në zonë. Për fat, teknologjia nuk mund të përdoret në retrospektivë, për ndeshje të shkuara”- e mbyll me shaka Maradona, i cili disa herë, ka mbështetur mundësinë e rishikimit të aksioneve të dyshimta, përmes teknologjisë./tesheshi.com/
