Diego Armando Maradona nuk e la pa e komentuar ndeshjen ndërmjet Panamasë dhe Meksikës në kuadër të Kupës “Concacaf”. Ish lojtari më i mirë në botë në profilin e tij zyrtar nëFacebook ka shkruar se ndeshja duhet të përsëritur, pasi gjyqtari i ndeshjes ka dhënë vendime kontraverse që e kanë dëmtuar tej mase skuadrën e Panamasë, ç’ka i ka mundësuar Meksikës të shkojë në finale të këtij kompeticioni.
Maradona ka reaguar ashpër ndaj qëndrimit të gjyqtarit Mark Greiger, që ka referuar dy penalti mjaft të diskutueshme për meksikanët, njërën në minutën e fundit të ndeshjes me kur Panamaja ishte duke triumfuar (1-0), dhe një në vazhdimet e dyta.
“Solidarizohem me lojtarët e Panamasë. Ndeshja duhet përsëritur dhe gjyqtari duhet përjashtuar”, ka shkruar Maradona në rrjetin social Facebook.
Diego Armando Maradona ka kujtuar finalen e Botërorit të vitit 1990 të zhvilluar në Itali ndërmjet Gjermanisë dhe Argjentinës në të cilën uruguajani Edgardo Codesal kishte dhënë vendime kontraverse duke i mundësuar kështu Gjermanisë fitim e Kupës.
“Asgjë nuk ka ndryshuar. Ashtu sikur në vitin 1990, kur Argjentina u vodh nga Codesal.
Tani njëjtë ndodhi edhe me Përfaqësuesen e Panamasë”, ka shkruar Maradona. /tesheshi.com/
