Maqedonia, vendi i cili qeveriset nga Zoran Zaev, njeriu i ardhur në pushtet me vota shqiptarësh, ka bërë një gjysëm-akt tradhëtie nga Kosovës, iu urdhëruar federatave sportive vendase që të abstenojnë në votimet për anëtarësimin e saj në organizimet sportive ndërkombëtare.
Kështu ndodhi së fundi kur në dallim nga shtetet si Rusia dhe Kina që ndryshuan qëndrimin e deritanishëm dhe e mbështetën Kosovën në Asamblenë e 35 të Përgjithshme të Federatës Ndërkombëtare të Sporteve Universitare (FISU), Maqedonia ka qenë vendi i vetëm që ka abstenuar. Për anëtarësimin e Kosovës nga gjithsej 62 shtete, vetëm 2 shtete ishin kundër, dhe një abstenim.
Qëndrimin e Maqedonisë e kanë konfirmuar dhe mediat serbe, sipas së cilave Rusia dhe Kina kanë qenë pro anëtarësimit të Kosovës, madje edhe vetë presidenti i FISU Oleg Maticin, i cili është rus, ka mbështetur dhe inicuar anëtarësimin e Kosovës.
“Sipas delegacionit tonë, kundër ishin spanjollët, ndërsa maqedonasit abstenuan. Shokuese ka qenë fakti që Rusia dhe Kina kanë votuar për pranimin e Kosovës. Delegacioni jonë me në krye Sinisha Jasniçen, kryetar i Lidhjes së sporteve univerzitare të Serbisë, u befasua, pasi presidenti i FISU, Oleg Maticin, nxorri argumente pro pranimit dhe kështu ndikoi drejtpërdrejt në rezultatin e vendimit”, shkruan Dnevni Zhurnal.
Lajmin për anëtarësimin e Kosovës në FISU e kanë konfirmuar edhe në faqen zyrtare të federatës. Federata Ndërkombëtare e Sporteve Universitare është themeluar në vitin 1949 dhe ka 176 shtete anëtare. FISU organizon Universiadën verore dhe dimërore, si dhe Kampionatin botëror universitar. Sportistë nga univestitetet e secilit shtet marin pjesë në disiplina të ndryshme sportive në garat botërore që organizohen në kuadër të universiadave dhe kampionatit botëror.
Vota abstenim e Maqedonisë për anëtarësim të Kosovës në FISU, nuk ishte edhe aq e papritur, e aq më shumë pas paralajmërimit të liderit të LSDM-së, Zoran Zaev disa ditë par marrjes së postit të kryeministrit.
Ai madje ka thënë se Maqedonia si shtet do ketë qëndrim neutral edhe gjatë votimit të Kosovës për anëtarësim në UNESCO.
Të kujtojmë se në zgjedhjet e fundit parlamentare të mbajtura më 11 dhjetor të vitit të kaluar, partia maqedonase, LSDM ka arritur të marrë rreth 50 mijë vota shqiptare, gjegjësisht 5 deputetë.
Po ashtu edhe në zgjedhjet e ardhshme lokale të cilat pritet të mbahen më 15 tetor, LSDM do të dalë me kandidatë nëpër gjitha komunat e banuara kryesisht me shqiptarë. /tesheshi.com/
