Një alarm i lëshuar nga vëzhguesit ndërkombëtarw konsiston se situata po tensionohet në komunat shqiptare në Maqedoni tani që po afrohet balotazhi. Vëzhguesit bënë të ditur sot se ka një dukuru negative në fshatrat e komunës së Sarajit.
Sipas tyre, në këto fshatra banorëve u merren pasaportat dhe letërnjoftimet si garanci se do të votojnë një parti politike që shpeshherë përmendet në raportet e ndërkombëtarëve për shkelje zgjedhore. Vëzhguesit madje kanë incizuar disa raste ku bëhet kjo formë e manipulimit dhe se incizimet i kanë dorëzuar në polici, kurse varet prej gjykatave nëse ato do të pranohen si dëshmi ose jo.
Mediat maqedonase bëjnë të ditur se policia ka filluar aksion për të zbuluar autorët dhe për t’i arrestuar ata. Sipas ligjit, autorëve të këtyre manipulimeve u kanoset 3 deri 5 vite arrest. Nga policia nuk ka ende koment zyrtar lidhur me këtë problem. /tesheshi.com/
