Deklaratës së deputetit të Lëvizjes BESA, Afrim Gashi se më mirë do kishte pranuar të vdesë se sa të koalicionojnë me BDI-në, i’u është kundërpërgjigjur me një status në facebook njëri nga simpatizantët e partisë së Ali Ahmetit. Bëhet fjalë për Refet Kamberi. Dhe gjuha e tij është e tillë sa nuk ia kursen plumbin atij që sot është edhe më status deputeti, pa llogaritur stausin publik të një publicisti dhe politikani.
“Me qenë mes dilemës të vdesësh apo të jetosh…pa mëdyshje kisha vendosur të të jap një plumb në ballë dhe një në gjunjë..selam Afrim Gash m…”, kështu ka shkruar Refet Kamberi.
Konstatimi për simpatitë e tij ndaj BDI-së, vërehet qartë edhe nga fotot e tij në facebook me funksionarët e kësaj partie, dhe sigurisht kreun e saj Ali Ahmeti.
Kjo gjuhë e paprecedent ndodh ndërsa në Maqedoni partitë u bënë bashkë duke hartuar një platformë të përbashkët. Por ky nuk është koalicion. Dhe deputeti Gashi, në prononcimin e tij të para një dite këtë ka dashur të shprehë. /tesheshi.com/
