Presidenti maqedonas Gjeorgje Ivanov mbajti fjalimin e fundvitit, ku provokoi shumë reagime nga deputetë të shumicës qeverisëse, për shkak se dhe aty lëshoi thirrje kundër Marrëveshjes së Prespës për emrin e ri, asaj nënshkruar nga dyshja Zaev – Tsipras, si dhe kundër Ligjit të Gjuhëve, i njohur si ligji që njeh shqipen si gjuhë zyrtare.
“Ju lutem, më dëgjoni, unë ju dëgjoj gjatë gjithë vitit”, iu përgjigj Ivanov përgjigjeve të deputetëve, ku një pjesë reaguan zhurrmshëm e një pjesë e bojoktuan.
Ivanov, ndër të tjera, akuzoi qeverinë për shantazhimin e deputetëve me ndryshimet e fundit në Ligjin e Amnistisë.
“Amnistia ime ishte pajtimi me falja, ndërsa e juaja ajo për ndryshimet kushtetuese përmes shantazhit”, tha presidenti maqedonas.
Ivanov vuri në dukje se gjatë qeverisë së Zaev Maqedonisë u shndërrua në një “shtet të zhdukjes” nga shteti.
“Shumica e deputetëve në Kuvend nuk e respektojnë publikun. Ju keni dëmtuar Kushtetutën dhe ligjet. Është e rrezikshme që të ketë një shtëpi me themele të shkatërruara”, tha Ivanov.
Sipas tij, Marrëveshja e Prespës është fundi i ekzistencës së Maqedonisë, duke tregëtuar, siç tha ai, me emrin dhe gjuhën e atij vendi.
Ai tha se ende kishte shpresën se deputetët nuk do të votonin për atë marrëveshje.
Duke folur të Ligjit mbi gjuhën, Ivanov tha se kjo është bërë jashtë çdo procedure ligjore.
“I respektoj të gjithë kombësitë; shqiptarët, turqit dhe të tjerët, por një ligj antikushetues nuk mund të bashkojë shoqërinë maqedonase”, tha Ivanov.
Mandati i tij si president përfundon në pranverë. Ivanov konsiderohet si “mbetja e fundit” e regjimit të Gruevskit, ndërsa ky i fundit ndodhet tashmë në arrati me kërkesën për azil politik në Hungari. /tesheshi.com/
