Akuzat politike në Maqedoni kanë mbërritur dhe në nivele të atilla sa që ngjajnë me ato në Shqipëri.
Kështu, partia maqedonase në opozitë por që aspiron të marrë pushtetin, LSDM, drejtoi shigjetat në drejtim të sektorit të Shëndetësise, me ç’rast akuzoi Klinikën për Gjinekologji se prej katër muajsh i lëshonë foshnjat e posalindura pa marrjen e vaksinës kundër tuberkulozit.
“Edhe pse është më e rekomandueshme që foshnjat e sapolindura të vaksinohen kundër tuberkulozit menjëherë pas lindjes, prindërit nuk mund t’i dërgojnë foshnjat për vaksinë as në dispanzerë. Sipas informacioneve që i kemi, nuk ka vaksinë BCG as në poliklinikën e Bit Pazarit, as në Idadia, as në poliklinikën e Bukureshtit, e madje as në qytetet më të mëdha në mbarë Maqedoninë”, deklaroi dr. Angelço Andonovski, anëtar i Komisionit për Shëndetësi i LSDM-së.
Sipas LSDM-së, ministri i Shëndetësisë është informuar se nuk ka vaksina të tilla dhe para tre javësh kur nga kjo Klinikën është dashur të lëshohet foshnja e këshilltarit të ministrit të Shëndetësisë, është sjellë dozë nga vaksina me të cilat janë vaksinuar edhe 30 foshnja të tjera të sapolindura. /tesheshi.com/
