Deri tani, raundi i dytë i zgjedhjeve në Maqedoni po zhvillohet i tensionuar por jo me incidente të rënda.
Mediat shqipe dhe ata në gjuhën maqedonase kanë raportuar që nga mëngjesi raste të fotografimit të votës, të përleshjes mes militantëve por edhe probleme të tjera teknike.
Komisioni Shtetëror i Zgjedhjeve ka të regjistruar pjesëmarrjen e orës 13.00, sipas të cilit ka votuar 25% e zgjedhësve deri në atë orë.
Raundi i parë, i mbajtur më 15 tetor, përcaktoi kryetarin e Bashkisë së Shkupit, drejtuesit e 45 komunave dhe anëtarët e këshillave komunalë.
Ndërsa balotazhi zhvillohet në 35 komuna me mbi 1.500 qendra votimi.
Garat më të nxehta janë ato në zonat e banuara me shumicë shqiptare, si Tetova, ku garon Teuta Arifi e BDI-së dhe Bilall Kasami i “Besës”; Gostivari, me Nevzat Bejten e BDI-së dhe Arben Taravarin e Aleancës për Shqiptarët; Struga me Ziadin Selën e Aleancës kundër Ramiz Merkos së BDI-së; Çairi në Shkup me Visar Ganiun e BDI-së përballë Zeqirja Ibrahimit të “Besës”; si dhe Dibra, me Ruzhdi Latën e BDI përballë me Arben Agollit të Aleancës me Shqiptarët. /tesheshi.com/
