Tashmë për dy ditë me radhë, dje dhe pardje, grupet punuese për zbatimin e Marrëveshjes së Përzhinos nuk takohen për të sjell vendim për pastrimin e listës zgjedhore dhe rregullimin e medieve.
Puna e grupeve punuese, të cilat janë nën drejtimin e ekspertit belg, Piter Vanhoute po pushon përkohësisht.
Jo zyrtarisht, në takimin e fundit që ndodhi të enjten, partitë kanë arritur një pajtueshmëri fillestare që paralelisht të bisedohet edhe për listën zgjedhore edhe për mediet, por për momentin nuk ka informacione pse bisedimet janë ndërprerë.
Komisioneri i BE-së për zgjerim dhe fqinjësi, Johanes Hahn pritet të vizitojë për herë të dytë brenda një viti Maqedoninë. Nga KE-ja kanë konfirmuar se Han do të mbërrijë në Maqedoni nga mesi i muajit shkurt, duke marrë parasysh atë që në fillim të muajit të ardhshëm ka orar të ngjeshur të vizitave të vendit nga resori i tij i dytë “politikë fqinje”.
Me ardhjen e Han në Maqedoni temë diskutimi pritet të jenë pikërisht çështja e pastrimit të listave zgjedhore dhe rregullimi i mediave. /tesheshi.com/
