Me sa duket, prokurorja speciale Katica Janeva, dukshëm wshtw frikësuar nga fjalimi i djeshëm i kryetarit të VMRO-së, Nikolla Gruevski, në të cilën mes tjerash ashpër e sulmoi edhe Janevën.
Ajo sot nga Ministria e Punëve të Brendshme ka kërkuar siguri personale shtesë për atë dhe ekipin e saj.
“Në lidhje me fjalimin publik të kryetarit të VMRO-DPMNE-së, duam të tregojmë se si Prokurori jemi seriozisht të shqetësuar, për këtë arsye Prokuroria Speciale ka vendosur t’i zmadhojë masat e sigurisë. Në këtë drejtim, sqarojmë se nga Ministria e Brendshme është kërkuar që të angazhojë persona zyrtarë të cilët do të punojnë për mbrojtjen e kësaj prokurorie dhe pjesëtarëve të saj, gjegjësisht prokurorëve”, thuhet në përgjigjen e Prokurorisë Speciale.
Kujtojmë që në fjalimin e djeshëm, kryetari i VMRO-DPMNE-së, Nikolla Gruevski në konferencën e Unionit të Grave, tha se “dikush mundohet të vijë në pushtet me mashtrim, me bashkëpunim me shërbime sekrete të huaja, me bashkëpunim me kriminelë, falsifikatorë, Çausha, Vanhojta, Katica dhe shitës të mjegullave”.
Nga ana tjetër, ndërmjetësi belg në bisedime Piter Vanhoutte, nuk ka pranuar ta komenton deklaratën fyese të ish kryeministrit, Nikolla Gruevski, drejtpërdrejt në adresë të tij.
“Më vjen keq, por nuk ka komente nga unë në lidhje me deklaratat e ish-kryeministrit”, ka deklaruar Vanhoute. /tesheshi.com/
