Nga mëngjesi i së mërkurës, në hapësirat e KSHZ-së në Shkup, Inicativa Qytetare ka filluar të grumbullojë nënshkrimet për propozim-Ligjin për amnisti, me të cilën kërkohet që të ndërpritet dënimi me burg për ata që kanë kryer 40% të burgut. Gjatë 3 muajve të ardhshëm do të duhet që të grumbullohen 10 mijë nënshkrime.
Iniciatorët e thonë se presin që të grumbullohen nënshkrimet e duhura, edhe pse ankohen për obstruksione dhe kërcënime. Me këtë banorët e vendeve më të vogla do të duhet që të udhëtojnë deri te qytetet fqinje për t`u nënshkruar në këtë iniciativë.
Kryesorja e kësaj iniciative mbi propozim ligjin për amnesti Meri Nikollova, njofton portalin tesheshi.com se tashmë kanë filluar të mblidhen nënshkrimet në disa qytete si Shkup, Manastir, Shtip etj.
Madje ajo shprehet optimiste se nënshkrimet e nevojshme do të mblidhen vetëm brenda 4-5 ditëve, por esenca është që të mblidhen mbi 50 mijë në mënyrë që ta prek ndërgjegjen e deputetëve në ditën kur duhet votuar ky ligj në Kuvend.
“Ne kemi afat prej 90 ditëve që të mbledhim 10 mijë nënshkrime në mënyrë që propozimligji ynë të miratohet në kuvend. Afati i fundit për mbledhjen e këtyre nënshkrimeve është 30 dhjetori, mirëpo unë jam optimiste e madhe që deri të premten do mbledh 10 mijë. Por qëllimin e kam të mbledh 50mijë, që t’ ua mbyllim gojën të gjithëve dhe të prekim në ndërgjegjen e deputetëve kur të vjen dita e votimit. Ashtu sic janë zgjedhur nga populli ashtu në kuvend deputetët duhet të votojnë ligjin për amnesti, meqë njëjtë edhe kjo është vullneti i popullit, ata po mbledhin nënshkrimet”, deklaroi për tesheshi.com, Meri Nikollova.
Më parë Nikollova, deklaroi për tesheshi.com se kjo iniciativë erdhi për shkak të kushteve katastrofale ku qëndrojnë të burgosurit. Para një jave, në të gjitha burgjet e Maqedonisë, të burgosurit kanë mbajtur grevë urie, derisa Kuvendi mori vendimin për t’iu lejuar atyre të drejtën e referendumit dhe mbledhjen e nënshkrimeve të nevojshme që të votohet ligji për amnisti.
Nikollova në fund paralajmëroi se teksti i ligjit do të përpilohet nga ekspertë të drejtës penale. /tesheshi.com/
