Maqedoni: aksion i madh policor i koduar si “Ujku”

Një aksion i madh policor i koduar si “Ujku”, ka nisur mëngjesin e kësaj të mërkure në disa qytete maqedonase. Nga burime zyrtare mësohet se në shenjestër të këtij aksioni është një grup gjigand që trafikon qënie njerëzore, por dhe drogë apo armë.

Aksioni po zhvillohet nën urdhërin e Prokurorisë Themelore për Ndjekjen e Krimit të Organizuar dhe Korrupsionit, instanvë e Ministrisë së Punëve të Brendshme.

“Në këtë aksion po ndiqet një grup i madh kriminel, për shkak të dyshimeve se ka përgatitur dhe ka kryer disa vepra penale, si: trafikim me njerëz, trafikim me persona të mitur dhe kontrabandim me emigrantë nga neni 418-v, kontrabandim me emigrantë nga neni 418-b, grabitje nga neni 237 paragrafi 4 v.v. me paragrafin 1, prodhim të paautorizuar dhe lëshim në treg të lëndëve narkotike, substancave psikotrope dhe prekursorëve nga neni 215. 3 v.v. me paragrafin 1 dhe mbajtje të paautorizuar dhe tregti me armë dhe lëndëve shpërthyese nga neni 396 paragrafi 3 v.v. me paragrafin 1 dhe 2 të Kodit Penal”, thuhet kështu në një komunikatë zyrtare nga Prokuroria. Bilanc nga ky aksion ende nuk ka. /tesheshi.com/