Për sot është caktuar përsëritja e seancës gjyqësore për Mile Haxhiskin, maqedonasin i cili njëzet vite kërkohej për vrasjen e të dashurës së tij.
Haxhiski vrau në vitin 1993 të dashurën e tij Meri Joshevska, dhe qe gjykuar në mungesë me 20 vite burg, transmeton zhurnal.mk.
Ai arriti që të ikë nga Maqedonia dhe t`i bashkohet legjionit të të huajve të armatës franceze, ku është prezantuar si Zoran Tomiq.
U arrestua në Zvicër para dy viteve për vjedhje, por mori arratinë dhe prej andej, prej ku iu bashkua grupit kriminal serb “Pink Panter”.
Përfundimisht ai u arrestua më 19 gusht në Francë, dhe u ekstradua në Maqedoni. Edhe pse Haxhiski tashmë e pranoi se e ka mbytur të dashurën e tij, vrasjen e saj e la me dilema të hapura.
Ndërsa prokuroria ka vërtetuar se bëhet fjalë për një vrasje klasike, mbrojtja ka vërtetuar se i tërë rasti nuk është hetuar sa duhet. /tesheshi.com/
