Një tregtar indian i diamanteve ka organizuar një dasmë masive për më shumë se 200 nuse pa baba, duke i dhënë secilës prej tyre dhurata në vlerë prej mijëra dollarë, për t’i ndihmuar këtyre vajzave të varfra të fillojnë një jetë të re bashkëshortore.
Mahesh Savani ka kryer ritualin hindu “Kanyadaan” të dasmës për 236 nuset pa baba, që vijnë kryesisht nga familjet e varfra në një mega-dasmë në shtetin perëndimor të Gujarat.
Savani, i cili konsideron ndihmën për këto vajza të reja si një bekim nga Perëndia, organizon dasma të ngjashme masive çdo vit, që nga viti 2012.
Qindra nuse në veshje etnike të shumëngjyrshme dhe të zbukuruara me stoli të çmuara, kanë kryer ritualet e tyre të dasmës para mijëra mysafirëve në qytetin e Sures, një qendër e njohur për industrinë e lustrimit të diamanteve.
Manjati dhuroi gjithashtu sende ari dhe sende shtëpiake, duke përfshirë sofa dhe shtretër, në vlerë prej 500,000 rupi (7,400 dollarë) për secilën nga nuset për t’i ndihmuar ato të fillojnë jetën e tyre bashkëshortore.
Dy prej dhëndurëve në dasmën masive ishin bijtë e tij.
“Këtë vit dy bijtë e mi janë martuar gjatë dasmës masive. Pra, në të total ka pasur 238 martesa,” tha Savani.
Savani thotë ai filloi fushatën e tij bamirëse në vitin 2008, kur një nga punonjësit e tij vdiq vetëm disa ditë para dasmës së vajzës së tij.
Nuk dihet saktësisht kostoja gjigante e ceremonisë.
Dasmat indiane janë të njohur organizimet e tyre luksoze, kuaj të dekoruar, orkestër të madhe muzikore dhe tenda të mëdha që argëtojnë qindra madje edhe mijëra mysafirë./tesheshi.com/
