Kreu i Drejtësisë shqiptare, Ylli Manjani kërkoi një tjetër zgjidhje lidhur më çështjen e mbipopullimit të burgjeve në vend, për të bërë të mundur që jo çdokush duhet me patjetër që për një shkelje penale të përfundojë pas hekurave, duke qenë se kjo ka dhe një kosto për shtetin.
“Në shumë raste t’i marrësh paratë dikujt si ndëshkim penal është më e shtrenjtë dhe më e ndëshkueshme sesa ta mbash në burg me bukë dhe të shpenzosh dhe para. Kjo është e vërteta dhe ne nuk kemi përse të mos e legjitimojmë këtë të vërtetë në legjislacion dhe në praktikën e ndjekjes penale”, tha Manjani. Këtë qëndrim ai e shprehu gjatë një tryeze me temë aplikimin e dënimeve alternative, drejtuar nga kreu i OSBE-së në Shqipëri, Bernd Borchardt.
Sipas Manjanit, ligji për ndjekjet penale është konceptuar gabim dhe se burgu është mjeti i fundit për t’i dhënë zgjidhje një problemi të caktuar.
Problemi i mbipopullimit të qelive, sidomos me të paraburgosur, është më bërë më i theksuar gjatë këtyre tre viteve të qeverisjes “Rama”, ku pas hekurave përfundon dhe për ca shkelje deri dje normale – ndonëse të parashikuara me ligj – siç ishin vjedhja e energjisë apo të qënit i pirë në timon.
Sakaq, llogaritet që kostoja e një të burgosuri, apo qoftë dhe të ndaluari, shkon deri në 80 euro në ditë; një barrë kjo shumë e rëndë për buxhetin e shtetit. /tesheshi.com/
