Mançester Junajtedi mund të ketë shpresuar për një barazim në “Anfield” ndërsa vendasit po ndienin lodhjen në pjesën e dytë, por shpresat e “djajve të kuq” u shuan me hyrjen e Xherdan Shaqirit në fushë.
Një lëvizje e zgjuar e Klopp-it, trajnerit të Liverpulit, që nxori Keita-n e futi Shaqirin, rezultoi të jetë çelësi i fitores për vendasit. Zviceriani me origjinë shqiptare shënoi dy herë brenda pak minutave, në të 73-n dhe në të 80-n, duke i dhënë Liverpulit fitoren.
Ndeshja do të niste me një furtunë të Liverpulit, të shpërblyer në minutën e 24-t me golin e Sadio Mane-s. Një gabim i portierit brazilian Alisson, të cilit i shpëtoi topi nga duart, çoi në një barazim të papritur. Lingard ishte shënuesit për Man. Junajtedin në minutën e 33-të.
Pritësit ishin më lart në çdo drejtim, ndërkohë që mysafirët patën vetëm fare pak momente të mira. Mourinho kishte zgjedhur ta mbajë Pogba-në në stol, dhe mungesa e francezit ishte e dukshme në fushë.
Fitorja 3-1 e ringjit Liverpulin në vend të parë të Premier League-s, me një pikë më tepër se Mançester Siti i vendit të dytë. Për Man. Junajtedin, kjo është nisja më e keqe e kampionatit pas 17 javësh të luajtura. Në vend të gjashtë, Mançester Junajtedi ka tetë pikë më pak se Arsenali përpara tij.
Pas kësaj ndeshjeje, janë bërë më të fortë zërat për largimin e Mourinho-s nga stoli i Man. Junajtedit. Mourinho out, NOW! Ky është reagimi! /tesheshi.com/
https://youtu.be/_cLAyxouEr8
