Qeveria malajziane ka ndërmarrë hapa për të dorëzuar në thesarin e shtetit pasuritë e ish-kryeministrit Najib Razak me vlerë 171 milionë dollarë.
Media vendase njoftoi se Gjykata e Lartë malajziane ka kërkuar “miratimin e një urdhri konfiskimi” të pronës Rezak, i cili u kap më parë nga policia si pjesë e një hetimi për vjedhje dhe pastrim parash në Fondin e Investimeve të shtetit.
Te pasuria e konfiskuar, përfshihen dhe diamante, ora, 27 makina luksoze dhe të holla, të cilat janë të vendosura në 29 llogari të veçanta me vlerën e përgjithshme prej 171 milion dollarë.
Nga ana tjetër, autoritetet amerikane nisën kthimin në Malajzi të këstit të parë 57 milionë dollarë prej 200 milionë sosh që gjenden në llogari në SHBA.
Ish-kryeministri Razak akuzohet për skandale korruptive dhe shpërdorim pushteti. /tesheshi.com/
