Një fëmijë u përplas nga një automjet mëngjesin e sotëm në zonën e njohur si ish-kafe “Flora” në Tiranë. Për pasojë, ai mori plagë në trup, por fatmirësisht është jashtë rrezikut për jetën.
Mësohet se fëmija ishte rreth 10 vjeç dhe shiste me një kuti të vogël që mbante në dorë çamçakizë, facoleta, cigare etj.
Në momentin e aksidentit kanë qenë kalimtarë të rastit dhe punonjës të bizneseve që operojnë aty pranë, ata që i kanë dhënë ndihmën e parë vogëlushit ambulant. Më pas është dërguar me ambulancë në urgjencën e spitalit të Traumës, ku po merr mjekimin e nevojshëm.
Ky fëmijë është njëri mes shumë të tjerëve, që për shkak të varfërisë detyrohen të punojnë në fundjavë, ose edhe duke braktisur shkollën, për të ndihmuar gjendjen ekonomike të familjes.
Si ky vogëlush sheh kudo në rrugët e Tiranës, të cilët sfidojnë të ftohtin dhe vihen në rrezik çdo ditë për të fituar disa para në fund të ditës, ndërsa autoritetet shtetërore heshtin, përballë këtij realiteti./tesheshi.com/
