Majlinda Kelmendi nderon Kosovën me një tjetër ccmim të rëndësishëm, në ceremoninë e “ANOC Awards 2016”. Asociacioni i Komiteteve Olimpike Kombëtare në ceremoninë e ndarjes së ccmimeve vlerësoi xhudisten me çmimin për “Depërtimin më të mirë të Komitetit Olimpik”, pas triumfit të saj në lojërat olimpike të këtij viti. Kjo arritje erdhi pasi vendlindja e saj u përfshi në grupin e shteteve, që renditeshin për herë të parë mes fituesve në “Rio 2016”.
Trajneri i xhudos, Driton Kuka nuk e fshehu entuziazmin dhe shkruajti në profilin e tij në facebook: “Sonte Kosova merr shpërblimin më të madh në histori si ‘Breakthrough National Olympic Commitete’ të Lojërave Olimpike duke iu falenderuar ‘Medaljes se artë’ të Majlindës në Rio 16!”.
Kelmendi ka shkruar historinë duke marrë medaljen e artë, në xhudo për kategorinë deri në 52 kilogramë. Xhudisjta kosovare mundi në finale 1 me 0 me pikë italianen Odette Giuffrida. Për Kosovën, kjo ishte medalja e parë Olimpike.
Për të arritur deri në finale, Majlinda mundi Evelyne Tschopp, Christianne Legentil dhe japonezen, Misato Nakamuras./tesheshi.com
