Majlinda Kelmendi fiton medaljen e artë në Abu Dhabi

Majlinda Kelmendi e ka fituar medaljen e artë në Grand Slamin e xhudos që po mbahet në Abu Dhabi të Emirateve të Bashkuara Arabe.

Kampionia Olimpike (-52 kg) mposhti me ipon italianen Odette Giuffrida, pas një luftë të ashpër që zgjati rreth 10 minuta.

Të njëjtën e kishte mundur edhe në finalen e Lojërave Olimpike Rio 2016.

Total, Majlinda fitoi pesë luftëra, të cilat i sjellin edhe 1 mijë pikë Olimpike për Lojërat Olimpike Tokyo 2020.

Paraprakisht, Majlinda në këtë grand slam triumfoi ndaj xhudisteve Salimata Fofana (Bregu i Fildishtë), Anna Kazyulina (Kazakistan), Park Da Sol (Kore e Jugut), dhe Chelsie Giles (Britania e Madhe). /tesheshi.com/