Presidenti palestinez, Mahmud Abbas, ka shënuar një akt të paprecedent në komunikimin diplomatik, duke e quajtur ambasadorin amerikan në Izrael një “qen bir qeni”.
Gjithçka ndodhi pas një takimi ku po diskutohej mbi vendbanimeve të kolonëve hebre në territoret palestineze. Sipas ambasadorit David Friedman, territoret ku janë vendbanimet e reja i përkasin Izraelit, e ky qëndrim ka sjellë irritimin e Abbas.
“Njësitë e vendbanimeve hebreje legjitime… Shumë zyrtarë amerikanë e përdorin si të tillë këtë. Në krye të këtyre është ambasdori amerikan në Tel Aviv, David Friedman. Ai thotë se kolonët hebrenj po ndërtojnë vendbanime në territoret e tyre. ‘Qen bir qeni’… në territorin e tyre po ndërtojnë ata? Ata kolonë, edhe familjet e tyre i kanë kolonë. E çfarë mund të presim ne nga ai, ambasadori amerikan në Tel Aviv?”, tha Abbas.
Shtëpia e Bardhë dënoi të hënën presidentin palestinez Mahmoud Abbas, pasi thirri ambasadorin amerikan në Izrael, David Friedman, një “bir i një qeni”.
Ka reaguar menjëherë Shtëpia e Bardhë, duke thënë se “ka ardhur koha që Presidenti Abbas të zgjedhë midis retorikës së urrejtjes dhe përpjekjeve konkrete për të përmirësuar cilësinë e jetës së popullit të tij dhe për t’i çuar ata në paqe dhe prosperitet”. /tesheshi.com/
