Brent Christensen quhet artisti i akullit. Specialiteti i tij është ndërtimi i kështjellave prej akulli shumë fantastike. Për të realizuar krijimet e tij artisti përdor ujë të cilin e ftoh dhe i jep formën e dëshiruar.
Kështu, si me magji krijohen këto vepra arti që të lënë pa fjalë. Punët e tij me akullin kanë nisur në vitin 2008, kur arriti të realizojë në oborrin e shtëpisë së tij në Utah një pistë patinazhi për fëmijët e tij.
Një vit më pas ai realizoi pallatin më të madh të akullit në Zermatt Resort të Midway. Që prej asaj kohe ka krijuar kështjella të ndryshme akulli mes Shteteve të Bashkuara dhe Kanadasë. Më shumë se 750 mijë persona kanë admiruar krijimet e tij fantastike. /tesheshi.com/
