Presidenti i Venezuelës Nicolas Maduro ka emëruar aleatin e tij të fuqishëm, të akuzuar nga SHBA për trafik droge, si dhe një të afërm të ish-kreut të shtetit Hugo Chavez, në dy funksione kryesore për të ringjallur industrinë e naftës.
Në një kohë të mungesave të mëdha të karburantit në Venezuelë, Maduro emëroi Tareck El Aissamin, i cili është nën sanksione amerikane, si ministrin e naftës, dhe Asdrubal Chavez që të kryesojë gjigantin e naftës, ndërmarrjen shtetërore PDVSA.
Autoritetet amerikane së fundmi kanë shtuar Aissamin në listën e 10 të arratisurve më të kërkuar.
Ai është vënë në shënjestër të sanksioneve të SHBA-së në vitin 2017, pasi u cilësua si një tregtar i madh i drogës.
SHBA vitin e kaluar e paditi atë për shkelje të sanksioneve.
Deri më tani, gjeneral Manuel Quevedo ka shërbyer si ministër i Naftës dhe Drejtor i PDVSA.
Gjatë mandatit të tij 28-mujor, prodhimi i naftës në Venezuelë, e cila ka rezervat më të mëdha të energjisë në botë, ra me 65 përqind. /tesheshi.com/
