Presidenti francez Emmanuel Macron, duke folur në një konferencë shtypi të mbajtur të dielën në Pallatin Elysee në Paris, tha se i kishte thënë kryeministrit izraelit Benjamin Netanjahu se ai hedhë poshtë propozimin e Presidentit Trump për njohjen e Jeruzalemit si kryeqytet i Izraelit.
Presidenti francez i kërkoi Netanjahut të tregonte “kurajë” në marrëdhëniet e tij me palestinezët për ndërtimin e vullnetit të mirë, që do të ndihmonte në rindërtimin e procesit të paqes.
“Unë i kërkoj kryeministrit që të tregojë kurajë në marrëdhëniet e tij me palestinezët në mënyrë që të na nxjerrë nga qorrsokaku i tanishëm”, tha Macron pas bisedës me udhëheqësin izraelit në Paris.
Ai filloi deklaratën e tij të përgatitur, duke dënuar “të gjitha sulmet në orët dhe ditët fundit” kundër Izraelit, pas vendimit të Presidentit Trump për të njohur Jerusalemin si kryeqytet i Izraelit.
Menjëherë pas njoftimit të presidentit amerikan për njohjen e Jeruzalemit si kryeqytet të Izraelit, presidenti francez kishte bërë një deklaratë ku thotë se ky vendim është për të ardhur keq dhe se Parisi nuk e mbështet atë.
Macron bëri thirrje për “shmangien e dhunës me çdo kusht” pas njoftimit të Trump. /tesheshi.com/
