Autoritetet e Luvrit në Francë janë në gatishmëri 24 orët e fundit, pasi sipas ankesës së dorëzuar sot nga kreu i muzeut, në faqen e tij ai ka marrë një kërcënim nga të panjohur se do të hedhin në erë kryevepra shpërthyese, si p.sh. Mona Lisa-n e Leonardo da Vinçit.
Informacionet e gazetës Le Figaro, duke cituar burime policore, bëjnë të ditur se kërcënimet janë bërë në gjuhën angleze të dielën e 17 marsit. “Ne jemi të përkushtuar të hedhim në erë Mona Lizën dhe shumë kryevepra të tjera. Vetëm një paralajmërim: 100 kilogramë eksploziv C4 bëjnë shumë dëme”, shkruan ata, siç pretendon gazeta.
Kërcënimi mban nënshkrimin “Baballarët Themelues të Konfederatës”, duke iu referuar 36 burrave që në shekullin e 19-të përfaqësonin kolonitë britanike të Amerikës së Veriut. Botimi francez thekson se “Baballarët e Konfederatës” janë 36 persona që morën pjesë të paktën një nga konferencat e Charlottetown, Quebec dhe Londrës të vitit 1864 që i paraprinë Konfederatës Kanadeze.
Vetëm njëmbëdhjetë persona morën pjesë në të tri konferencat. Megjithatë, Muzeut të Luvrit iu kërkua të kontrollonte zonën pa gjetur ndonjë objekt të dyshimtë, siç thekson botimi francez. /tesheshi.com/
