Tre apo më shumë herë sa madhësia e një fushe futbolli, 20 kuverta dhe 250,000 tonë që transportojnë mbi 7,000 njerëz, pasagjerë dhe ekuipazh. Anije me parkun e vet ujor dhe madje edhe një ujëvarë të brendshme prej 17 metrash….
Anija e lundrimit “Icon of the Seas” që nis këtë të shtunë në udhëtimin e saj të parë nga Majami është një anije kafshërore me nevoja po aq shtazore energjie.
Është e para nga shumë të ngjashme apo edhe më të mëdha që mund të ndërtohen në vitet e ardhshme, vëren Guardian. Por a është aq “e gjelbër” sa pretendojnë krijuesit e saj?
Kompania ka theksuar veçanërisht faktin se Icons funksionon me gaz natyror të lëngshëm. Ajo zotohet se LNG “është vetëm një pjesë e strategjisë sonë alternative të karburantit, së bashku me biokarburantet, metanolin dhe burimet e tjera të energjisë”.
Shtohet se anija është ndërtuar për të akomoduar qelizat e karburantit, të cilat prodhojnë energji elektrike pa djegie, për t’u përdorur për të fuqizuar ashensorët, megjithëse bateritë ende nuk janë instaluar për shkak të një problemi me furnitorët.
Gjithashtu, kur është në port, Icon do të funksionojë me energji elektrike të furnizuar nga bregu, një alternativë më e pastër për funksionimin e gjeneratorëve shumë ndotës.
Nga ana tjeër, është problem fakti se portet që pranojnë anije kaq të mëdha turistike kanë filluar të pakësohen. Venecia, Barcelona dhe Amsterdami janë vetëm tre nga qytetet kryesore që ndalojnë ose kufizojnë anijet e lundrimit mes shqetësimeve në rritje për ndikimet mjedisore dhe shëndetësore.
Gjigantët si Icon mund të bëhen mysafirë të padëshiruar dhe komenti i shefit të Karaibeve Mbretërore se anija e tyre është “anija më e madhe e keqe” nuk është thjesht një shaka, por realitet. /tesheshi.com/
