Lulzim Basha deklaroi se nuk do të paguajë gjobën që kryebashkiaku I Tiranës I ka vënë Partisë Demokratike por do t’I çojë Veliajt një kastravec si trofe.
Basha deklaroi në një konferencë për shtyp një ditë pas protestës së opozitës, se “vërshimi i shqiptarëve ishte mesazh i qartë i mbështetjes për PD-në dhe për planin e saj për largimin e krizës politike dhe ekonomike që ka pushtuar vendin”.
Bashai nënvizoi se “Partia Demokratike nuk distancohet sot nga aktet e dhunës sepse ka qenë dhe është e distancuar”.
“Është falë PD-së që dje ai zemërim popullor u përmbajt, zemërim që mund të merrte përpara jo një kryeministri, por 10. Gurët nuk ishin në skenarin tonë. Ndërhynë strukturat tona që gjithçka u normalizua. Nuk u prek asnjë fije floku e asnjë polici dhe jam krenar për këtë. Institucioni është policia”, tha Basha. Kreu i PD-së shtoi se “protestat do të vazhdojnë pa pushim” dhe se “mosbindja civile sapo ka nisur”.
/tesheshi.com/
