Pak ditë pasi fitoi lirinë e parakohshëm, Lul Berisha mund të rikthehet sërish në burg. Prokuroria kundërshton vendimin e gjykatës së Apelit të Durrësit për lirimin ish-kreut të bandës së Durrësit, duke dorëzuar rekursin me tre argumente, kundër Gjykatës së Apelit, në Gjykatën e Lartë.
Prokuroria e Apelit kërkon rikthimin e tij në qeli, pasi e cilëson si të pajustifikueshme uljen e dënimit dhe lirimin e tij.
“Nuk mund të legjitimohet vendimi për shkak të veprave penale të kryera nga Lulzim Berisha, si dhe për shkak të llogarive jo të saktë për kohën e burgimit”, argumenton prokuroria kundër vendimit të Gjykatës së Apelit.
Lul Berisha u u lirua pak ditë më parë nga gjykata e Apelit, ndërsa kryente dënimin për vepra të rënda kriminale, me arsyetimin se kishte probleme shëndetësore dhe se kishte treguar shenja pendese./tesheshi.com/
