Luksemburgu filloi një program të testimit të koronavirusit për të provuar secilin prej afro 600,000 njerëzve, si dhe punonjës ndërkufitarë, gjatë nëntë javëve të ardhshme.
Luksemburgu është vendi i dytë më i vogël për sa i përket zonës dhe popullsisë në Bashkimin Evropian me 27 anëtarë, i rrethuar nga Franca, Gjermania dhe Belgjika, dhe është gjithashtu një nga më të pasurit në botë për sa i përket PBB-së për frymë.
Qëllimi i një programi të tillë testimi është përpjekja e zvogëlimoit të rrezikunt të një vale të dytë të mundshme, e cila parashikohet të ndodhë pas verës.
Deri më tani, 110 njerëz kanë vdekur në Luksemburg, dhe testimi ka konfirmuar se pothuajse 4,000 janë të infektuar.
“Qëllimi i parë është të thyejmë këto zinxhirë të infeksionit, në mënyrë që të dobësohet në të vërtetë vala e dytë e mundshme që mund të pasojë,” i tha Paul Wilmes, një zëdhënës i grupit të Luksemburgut për COVID-19.
Testimi i nevojshëm
Testimi i një numri të madh të njerëzve është i domosdoshëm sepse shpesh nuk është e qartë se në çfarë mase dikush është ngjitës.
Autoritetet do të kenë 17 stacione testimi që do të përpunojnë deri në fund të korrikut.
Njerëzit do të marrin një tampon dhe rezultatet do të dihen brenda dy ditëve.
Rastet pozitive do të duhet të izolohen dhe kontaktet e tyre të zbulohen.
Testimi do të bëhet në disa faza, ku të parët do jenë profesionet më të ekspozuara: punonjës të mjekësisë, të policisë dhe ata në sallonet parukerie. /tesheshi.com/
Testimi është vullnetar, por autoritetet po mbështeten në përgjegjësinë qytetare dhe janë të sigurt se pothuajse të gjithë qytetarët do të marrin pjesë.
