Me gjasë, zhvillimet e fundit në Bjellorusi, aty ku ish-republika sovjetike është trazuar nga protesta anti-regjim, pasi presidenti jetëgjatë Lukashenko fitoi sërish zgjedhjet, do çojnë në këtë vend kryeministrin Rama, në rolin e kryetarit të radhës së OSBE-së.
Kjo thuhet në një deklaratë të kësaj të fundit.
“OSBE përsërit shqetësimin e saj për zgjedhjet presidenciale të kryera më 9 gusht 2020, të cilat nuk u lejuan të monitoroheshin nga Zyra e Institucioneve Demokratike dhe e Të Drejtave të Njeriut, si dhe për forcën jashtë raportit që është përdorur ndaj protestuesve nga autoritetet. Prandaj ka dorëzuar kërkesën zyrtare për një vizitë në Bjellorusi, me përfaqësimin nga kryetari i saj në detyre, kryeministri shqiptar Edi Rama dhe kryetarja e radhës, ministrja e jashtme suedeze, Ann Linde – për t’u takuar me përfaqësues të qeverisë dhe të opozitës. Kryesia e OSBE-së përsërit nevojën urgjente për plotësim të parimeve dhe detyrimeve ndaj saj, siç është mbrojtja dhe promovimi i të drejtave të njeriut dhe respekti për sovranitetin e integritetin territorial”, thuhej në deklaratë.
Kujtojmë se kjo do ishte vizita e dytë e Ramës në rolin e kryesuesit të OSBE-së, sërish n ëish-hapësiraty sovjetike. Në janar ai ishte në Ukrainë e Rusi, duke vizituar Kievin e Moskën, në një përpjekje për uljen e tensionit mes dy palëve.
Autoriteti më i lartë që takoi e bisedoi, qe kreu i diplomacisë së Kremlinit, Sergey Lavrov, të cilit e cilësoi si një diplomat klasi. /tesheshi.com/
