Presidenti brazilian Luiz Inacio Lula da Silva tha se homologu i tij rus Vladimir Putin nuk do të arrestohet nëse ai merr pjesë në takimin e G20 në Rio de Janeiro vitin e ardhshëm.
“Jo, ai nuk do të arrestohet,” tha Lula në një intervistë me uebsajtin indian të lajmeve Firstpost të shtunën, 9 shtator.
“Nëse unë jam presidenti i Brazilit, nëse ai vjen në Brazil, nuk ka mundësi të arrestohet”.
Gjykata Ndërkombëtare Penale (ICC) lëshoi një urdhër arresti për Putinin në mars, duke e akuzuar atë për dëbimin e paligjshëm të qindra fëmijëve nga Ukraina. Por Moska i ka hedhur poshtë akuzat.
Putin mungoi samitin e liderëve të G20 në New Delhi, ku India ia dorëzoi kryesimin Brazilit. Putin mungoi gjithashtu samitin e BRICS në Johannesburg, Afrika e Jugut muajin e kaluar.
Brazili është nënshkrues i Statutit të Romës që çoi në themelimin e ICC.
Vendet më të pasura të botës miratuan një deklaratë të shtunën që shmangte dënimin e Rusisë për luftën në Ukrainë, por u kërkoi të gjitha vendeve të mos përdorin forcën për të kapur territor. /tesheshi.com/
