Pas një sërë reagimesh të ashpra ndaj qeverisë shqiptare, pasi kjo e fundit shpalli non grata një diplomat rus për arsye COVID, përfaqësia e Moskës në Tiranë i është rikthyer, në mënyrë të çuditshme, Ramush Haradinajtm, pasi deklaratës së këtij të fundit për një bashkim të mundshëm të Kosovëes me Shqipërinë, nëse sipas tij bashkësia ndërkombëtare nuk e zgjidh njëherë e mirë ngërçin e Kosovës me Serbinë.
Me gjuhën e Beogradit, Rusia e sheh këtë si një përpjekje për Shqipërinë e Madhe, të cilën e quan të rrezikshme si ide e si realitet nëse do të ndodhte.
“Kohët e fundit një nga politikanët shqiptarë e Kosovës, Ramush Haradinaj, deklaroi se synon të kërkojë mbajtjen e një referendumi për bashkimin e Kosovës me Shqipërinë, nëse ky pseudo-shtet i vetëshpallur nuk pranohet sa më shpejt në Bashkimin Evropian dhe organizatat ndërkombëtare si dhe Beogradi nuk do të njohë ‘pavarësinë’ e Kosovës.
Këtu po bëhet fjalë për një provokim të radhës, të implikuar në ideologjinë e Shqipërisë së Madhe, e cila kohët e fundit ka përparuar gjithnjë e më intensivisht në rajon dhe kërcënon drejtpërdrejt integritetin territorial të shteteve të Ballkanit. Shantazhi politik është i papranueshëm dhe pikërisht kështu duhet të interpretohet fjalimi i R. Haradinajit, i cili me lehtësi propozon të rishikojë në mënyrë arbitrare kufijtë në Ballkan”, shkruhet nga ambasada ruse në Tiranë.
Ky reagim rus, kësaj here për zhvillimet në Kosovë, vjen pas një acarimi të dukshëm të raporteve të Moskës me Tiranën.
Kujtojmë që qeverisja e kryeministrit Rama ka mbajtur qëndrime të ftohta karshi Rusisë, megjithë kërkesat e kësaj të fundit për intensifikim marrëdhëniesh. Madje një ofertë ruse për vaksina Sputnik V për Shqipërinë, nga Rama u trajtua si provokative.
Ndërsa dhe shpallja “non grata” nga Tirana e një diplomati rus me pretendimin e shkeljeve të masave COVID, madje duke i publikuar dhe emrin, një rast unikal ky, përcolli një ndjenjë “lufte të ftohtë” mes Moskës dhe Tiranës. /tesheshi.com/
