Ish-ministri kosovar, Aleksandar Jabllanoviq po lufton të marrë nën kontroll Listën Serbe nga deputeti Slavko Simiq, i cili po ashtu pretendon që përmes dokumenteve të dorëzuar në Komisionin Qendror të Zgjedhjeve, e meriton kryetarllëkun.
“Simiq i ka njerëzit e tij unë i kam të mitë. Jam i sigurt se ligji dhe rregullat e KQZ-së janë në anën time. Kjo pasi që unë si themelues i Iniciativës Qytetare Lista Serbe kam të drejtën e vetme të vendos mbi statusin politik të saj dhe njerëzit që duan të jenë brenda kësaj liste dhe se ku ata duhet të vendosen në pozicione politike”, ka deklaruar Jabllanoviq për Klan Kosovën, duke i hapur luftë kështu dikur ish-mikut të tij.
Kujtojmë se Jabllanoviq u shkarkua nga posti i ministrit pas protestave masive për shkak të deklaratave të tij ku i quajti nënat gjakovare “egërsira”. /tesheshi.com/
