Në dritën e debatit mbi krizën globale të ushqimit, presidentja e Komisionit Evropian Ursula von der Leyen paralajmëroi se bota aktualisht po përballet me një prioritet kritik të zhbllokimit të më shumë se 20 milionë tonë drithë “të kapur” në Ukrainë.
“Ne jemi duke punuar në rrugë solidariteti që do të mundësonin transportimin e pjesëve të atij drithi me rrugë tokësore ose hekurudhore. Është më e komplikuar dhe më e shtrenjtë, por duhet eksportuar ai drith”, tha Von der Leyen.
Ajo njoftoi pas takimit të liderëve të BE-së se Bashkimi do të ndajë 2.5 miliardë euro për të mundësuar pjesët e rrezikuara të botës të blejnë ushqime në një kohë kur çmimet në tregun global po rriten.
Në të njëjtën kohë, ajo njoftoi se BE-ja do të rrisë prodhimin e saj në sektorin e bujqësisë në mënyrë që të kontribuojë në një furnizim më të mirë të tregut botëror të ushqimit.
“Ne presim një eksport rekord prej 40 milionë tonësh drithëra në 2022 dhe 2023”, tha Von der Leyen.
Kryetarja e Komisionit Evropian u bëri thirrje të gjithë partnerëve në botë që të mos kufizojnë tregtinë globale për sa i përket produkteve bujqësore, duke vlerësuar se nuk ka absolutisht vend për kufizime të tilla në BE dhe në nivel global. /tesheshi.com/
