Kryeministri Edi Rama kërkoi sot gjatë mbledhjes së Task Force kundër drogës një veprim më efikas ndaj personave të implikuar në veprimtari të paligjshme, madje edhe sekuestrimin e aseteve që nuk provohet nga posejduesit që janë vendosur ligjërisht.
Por kundrejt deklaratës së Ramës, ka reaguar LSI përmes deputetit të ri, Endrit Braimllari.
Në një koment në rrjetet sociale, ai shkruan se Rama është vetë ‘bosi’ i drogës, që po drejton “Task Forcën”.
“Në 4 vite Edi Rama bashkëpunoi ngushtë me grupet kriminale, duke lejuar mbjelljen dhe kultivimin e kanabisit.
Edi Rama në 4 vite udhëhoqi rrjetet dhe grupet kriminale me qëllim shfrytëzimin e tyre dhe paratë e krimit për fushatë elektorale.
Edi Rama tani kërkon të lajë duart duke ngritur një plan kombëtar për luftën kundër kanabisit, që nuk është gjë tjetër veçse krijimi i linjave të reja të kultivimit të kanabisit.
Bosi i drogës po djeg arat, tani që nuk kanë asnjë vlerë, me qëllim që të pastrohen mirë për të mbjellë kanabis të ri”, shkruan deputeti i LSI-së. /tesheshi.com/
