Një nënë ukrainase ndihet e trishtuar dhe e turpëruar për djalin e saj, për të cilin thotë se është një pilot i bombarduesve rusë që bombardon vendin e saj.
Sipas Daily Mail, avioni luftarak i djalit të saj, majorit Alexei Golovensky, u qëllua nga ukrainasit në fillim të marsit dhe ai po mbahet rob në Mykolaiv, një qytet në jug të Ukrainës pranë Detit të Zi, i cili është i rrethuar nga rusët.
Elena Golovenskaya shpërtheu në lot para kameras, duke zbuluar veprimet e të birit, për të cilat thotë se ndihet e turpëruar, njëkohësisht edhe e trishtuar. Ndaj, kjo nënë ukrainase nxitoi t’u kërkonte falje bashkatdhetarëve të saj pasi djali i saj ndjek urdhrat e presidentit rus Vladimir Putin.
Një video e publikuar nga ushtria ukrainase thotë se një avion luftarak Sukhoi SU-30SM u rrëzua mbi Mykolaiv më 5 mars dhe djali i tyre u arrestua nga autoritetet ukrainase.
Majori rus Alexei Golovensky thuhet se u tha ukrainasve që e mbanin rob se luftarak Sukhoi ishte nisur nga Krimea dhe po kryente fluturime zbulimi në emër të forcave ajrore ruse.
Në videon e ngarkuar nga ushtria ukrainase në internet, piloti Golovensky shfaqet i gjunjëzuar në një fushë. Ai më vonë u mor në pyetje nga autoritetet ukrainase. /tesheshi.com/
