Partia që identifikohet me figurën e Ilir Metës dhe jo vetëm nga fakti që është themeluar dhe drejtuar pa ndërprerë prej tij, do të zgjedhë sot kryetarin e ri. Përballë Metës për të qenë në krye të LSI-së janë Shezai Rrokaj dhe Përparim Spahiu.
Por gjykuar nga tradita shqiptare e partive politike, pak gjasë ka që këto dy të fundit t’i zenë vendin Ilir Metës, njeriut që i ka futur në forcën e tij politike. Kjo, edhe pse në dukje janë instaluar dhe aplikohen forma praktika demokratike.
Janë 225 qendra votimi në mbarë vendin, të cilat do të qëndrojnë të hapura prej orës 08:00 deri në orë 18:00, për t’u dhënë mundësinë të gjithë anëtarëve të marrin pjesë në këtë proces zgjedhor.
Sipas parimit “Një anëtar, një votë”, në 255 qendra votimi në të gjithë Shqipërinë do votojnë për njeriun që do i udhëheqë për vitet e ardhshme. Po ashtu, me anë të votës do të përzgjidhen dhe 5 mijë emra për të nxjerrë nga këta rreth 2500 delegatët e Konventës Kombëtare Zgjedhore. /tesheshi.com/
