“Shumica e qytetarëve, rreth 700.000 mijë, në zgjedhjet e parakohshme parlamentare zgjodhën ndryshime, drejtësi dhe jetë. Nikolla Gruevski dhe udhëheqësia e VMRO-DPMNE-së, duhet të kuptojnë konceptin e një shoqërie për të gjithë, e cila e forcon unitaritetin e shtetit, sjell jetë kualitative për të gjithë qytetarët, në vend të ndarjeve fantome”, thuhet në komunikatën e LSDM-së drejtuar partisë së Gruevskit.
Më tej ata shtojnë se qytetarët në mënyrë të qartë kanë treguar se duan integrim dhe jo izolim të Maqedonisë. E sa i përket zgjedhjeve të reja, të cilat i propozoi VMRO-ja, sipas LSDM-së ato më shumë do e thellonin krizën politike.
“Proceset demokratike kanë filluar dhe vullneti shumicë i qytetarëve e shndërruar në 67 deputetë duhet që sa më shpejtë të realizohet me formim të Qeverisë së re reformatore dhe institucioneve të pavarura. Kërkesat për zgjedhje të reja janë tentim që të vazhdohet dhe thellohet kriza politike. Nëse tani nuk respektohet vullneti i shumicës së qytetarëve, as më pas nuk do të respektohet. Është e qartë përcaktimi i qytetarëve të Maqedonisë. Qytetarët zgjodhën ndryshime dhe Qeveri reformatore, ndërsa Ivanov dhe Gruevski duhet të lejojnë transfer të shpejtë dhe të qetë të pushtetit në Maqedoni”, thuhet në komunikatën e LSDM-së.
Kujtojmë se VMRO në komunikatën e fundit u kërcënua se LSDM ose duhet të mos e pranojë Platformën e partive shqiptare, ose të shkohet në zgjedhje të reja. /tesheshi.com/
