Krimet e urrejtjes kundër muslimanëve në Londër shënojnë rritje me 70 për qind krahasuar me një vit më parë, sugjerojnë statistikat e policisë.
Të dhënat për 12 muajt e fundit tregojnë për 816 krime islamofobike, krahasuar me 478 për 12 muajt e mëparshëm.
“Tell Mama”, një organizatë që monitoron këto problematika, thotë se shenjestra kryesore e sulmeve me bazë urrejtjeje, janë gratë. Policia nga ana e saj, sqaron se klasifikon krime islamofobike të gjitha ato sulme që ndikojnë në jetën e atyre që përceptohen se janë muslimanë.
Sulmet variojnë nga ngacmimet deri tek dhuna ekstreme.
Lagjet prej nga raportohen sulmet më të shumta janë Merton, në jugperëndim të Londrës dhe ëestminster, ku u regjistrua edhe numri më i madh i krimeve për shkak të urrejtjes, me një rritje prej 263 për qind.
“Tell Mama” thotë se rreth 60 për qind e viktimave të islamofobisë janë gra. Fiyaz Mughal nga kjo organizatë thotë se gratë që mbajnë shami ose hijab janë më të shënjestruara nga ngacmimet. “Ne kemi kuptuar që herët se gratë që mbajnë mbulesë në fytyrë janë më të ekspozuarat ndaj sulmeve”, thonë aktivistët e organizatës.
Policia nuk jep shkaqe të reja për rritjen e sulmeve, por thotë se tashmë ka metoda më të mira për regjistrimin e krimeve, ndaj edhe ka një rritje të tillë. /tesheshi.com/
